Sumt er bara einfaldlega fast saman

og það rak ég mig á í kvöld, er að vísu slatta pirruð enda drepleiðinleg vistin í þessu vaskafati. Steinar gat ómögulega sagt eða gert réttan hlut síðdegis, keyrði of hratt eða hægt eða ofan í holu eða næstum einhver á hann (hann var alveg saklaus þar hinsvegar) .....þegar mér finnst hann svona svakalega ómögulegur þá átta ég mig á því frekar fljótt að vandinn er allur mín megin.

Um daginn (fyrradag) ákváðum við að prufa heilsteiktan kjúlla úr Hagkaup, kvikindið kostaði innan við þúsundkall og það fylgdi honum flaska. Við bættum við hrásalati og átum skepnuna en náðum ekki nema rúmlega hálfum fyrra kvöldið, þá var að éta aftur kjúkling næsta kvöld en þá hélt ég að hann dygði ekki og sauð stóran hrísgrjónaskammt, sum til að hafa með en hin í graut.

Og þar stóð hnífurinn í kúnni í kvöld.

Það er ekkert til sem minnir meira á Himma en grjónagrautur með kanil.

"vittu kúlað"  spurði hann stundum þegar hann var lítill. Þá var hann að spá í súkkulaði. Hann var líka mikið hrifinn af Happa"krennum". Það voru margir labbitúrarnir út í sjoppu að ná í nýja Happaþrennu.

Stundum býður lífið manni undarlega flækju. Þegar Himmi var snúður þá bjó í nálægu húsi kona með álíka gamlan strák og annan á leiðinni , eins og ég. Við kynntumst aðeins en svo fluttum við burtu hvor frá annarri en ég hef fylgst með henni aðeins öðru hvoru svona úr fjarlægð.

Hún missti sinn dreng

Um daginn fletti ég honum upp í legstaðaskrá

Hann lést 19 ágúst

 

Athugasemdir

[Daggardropinn, 19.3.2009 kl. 21:54]

elsku Ragga mín, þetta er ótrúlegur heimur, ætla ekki að koma með fleiri klisjur hér, knúsa þig í botn í huganum og sendi þér góða strauma

[Hrönn Sigurðardóttir, 19.3.2009 kl. 21:59]

Faðmur til þín

[Ásdís Emilía Björgvinsdóttir (IP-tala skráð) 19.3.2009 kl. 22:55]

Lífið getur verið alveg stórskrýtið, Ragga mín.

Góða nótt, vona að þú sofir rótt.

Kær kveðja

[Anna Einarsdóttir, 19.3.2009 kl. 23:30]

Stundum veltir maður fyrir sér hvort lífið sé tilviljanir eða hvort manni sé ætlað að ganga ákveðinn veg.  Ég hallast að því síðarnefnda vegna þess að stundum eru tilviljanir of ótrúlegar.

Sofðu vel. 

[Jóna Kolbrún Garðarsdóttir, 20.3.2009 kl. 01:45]

Ég keypti mér svona steiktan lambabóg í Nóatúni um daginn og var svakalega glöð yfir því að Skúli Hansen afgreiddi mig, svo fór ég að hugsa   Hvað er þessi meistarakokkur að gera?  Hann er að afgreiða í Nóatúni  

[Sigrún Óskars, 20.3.2009 kl. 08:49]

ég er sammála Önnu, lífið er ekki bara tilviljanir - en það er oft skrítið

[Einar Indriðason, 20.3.2009 kl. 08:50]

*KNÚS*

[Jenný Anna Baldursdóttir, 20.3.2009 kl. 09:43]

Úff, sorglegt.

En þessir tilbúnu kjúllar, ég skil ekki með þá.

Þeir eru ódýrari tilbúnir en hráir.

Það gjörsamlega er mér fyrirmunað að skilja.

Best að hafa svoleiðis aumingja í matinn í kvöld.

[Marta smarta, 20.3.2009 kl. 10:26]

Knús.

[Ía Jóhannsdóttir, 20.3.2009 kl. 10:28]

Já þetta er skrítinn heimur Ragga mín.