Yessss!

Miðvikudagur, 7. maí 2008

Ég hafði áhyggjur af þessu en þarf þess þá ekki lengur. Þetta kemur mínum fanga ekki til gagns en þetta er samt frábært. Þetta er líka að mínu mati eina leiðin til að einhver von sé til þess að þeir komi betri þaðan út. Það hlýtur að vera takmarkið ! Fyrir okkur öll, ekki bara þá og aðstandendur þeirra, heldur samfélagið allt.

Ég hlustaði á rás 1 í dag eins og svo oft áður. Það hefur samt aldrei gerst áður að ég var komin með kökk í hálsinn og það sauð á mér reiði þegar ég var búin að hlusta á hálfan þáttinn. Í þættinum var fjallað um söng geldinga og spiluð eina upptakan sem til er af slíkum söng. Maðurinn söng á ítölsku og ég skildi ekki eitt orð en einhvern veginn skynjaði ég svo mikla sorg og örvæntingu í gegnum söng hans. Ég hef óskaplega gaman af því að hlusta á söng en þessi áhrif voru undarleg. Það sauð á mér alveg, ég sá fyrir mér meðferðina á þessum manni, þá ungum pilti. Endir varð sá að geldingar voru bannaðir og þessi siður lagðist sem betur fer af en lengst hélt páfagarður í hefðina. Þetta var auðvitað enn ein misþyrmingin í boði kirkjunnar.

Ég er að hugsa um að fara á útskrifartónleika annað kvöld.

Listaháskóli Íslands - Útskriftartónleikar

Þorvaldur Kr. Þorvaldsson, bassi, 8. maí 2008 KL. 20:00, Verð:

SÖNGTÓNLEIKAR
Þorvaldur Kr. Þorvaldsson, bassi.
Á efnisskrá eru verk eftir JSBach, Beethoven, Karl O. Runólfsson, Tshaikovsky og Verdi.
Meðleikarar Selma Guðmundsdóttir, píanó, Lenka Matéová, orgel, Þorgerður Edda Hall, selló.
Útskriftartónleikar frá Listaháskóla Íslands. Aðgangur ókeypis, allir velkomnir!

	15 milljónir í meðferðargang
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Breytt 21.9.2009 kl. 11:35 | Facebook

Athugasemdir

..... Loksins fara peningar í verðug málefni! Það var löngu tímabært. Sammála þér Ragnheiður mín að vonandi verður þetta til að hjálpa einhverjum þó margir hafi misst af þessum möguleika sér til lífs og framtíðar. Húrra fyrir þessu.