Snilldarkvöld

og við erum komin heim aftur, ég og gamli og Bjössi. Maturinn klikkar sko ekki á Ruby Tuesday. Hjalli borðaði á sig gat, ég hef ekki séð hann borða svona mikið lengi lengi. Ég sannfærðist enn um það að ég á þá frábærustu og skemmtilegustu krakka sem til eru.

Ég fékk síðbúna afmælisgjöf og hana sko ekki af verri endanum. Það var falleg lyklakippa sem er með krossi á og myndir af Himmaljósinu mínu sitt hvoru megin.

Þessi hérna öðrumegin

Og svo er þessi hinumegin

Yndisleg gjöf.

Steinar læddist með okkur inn og tók myndir af okkur saman við borðið. Við vorum 3 öðrumegin við borðið en 2 hinumegin. Áberandi hvað það vantaði eða öllu heldur var ágætt pláss til að hafa Himma með okkur en hann var kannski þarna samt. Hann var allaveganna ofarlega í huga okkar hinna.

Nú ætla ég að liggja á meltunni og býð góða nótt

Athugasemdir

[Hrönn Sigurðardóttir, 17.3.2008 kl. 22:27]

[Halla Rut , 17.3.2008 kl. 22:38]

Ég borðaði einmitt á Ruby Tuesday í hádeginu.

Hann Himmi var pottþétt með ykkur eins og alltaf.  Sá sem þú hugsar til er hjá þér.

[Brynja skordal, 17.3.2008 kl. 22:54]

Yndisleg gjöf Hafðu góða nótt

[Ragnheiður , 17.3.2008 kl. 23:03]

Kæra móðir í hjáverkum, við vorum 5 saman og smökkuðum allt í kross og vorum öll alsæl með matinn. Skilaðu þakklæti til hans.

[Brattur, 17.3.2008 kl. 23:05]

... þetta hefur greinilega verið fallegt og notalegt kvöld hjá ykkur... og falleg lyklakippa... góðar kveðjur og góða nótt...

[Kristín Katla Árnadóttir, 17.3.2008 kl. 23:05]

Ég borða stundum á Ruby Tuesday. Ég er svo vissum að hann Himmi var með ykkur elsku Ragga mín Góða nótt elskan.

[Jenný Anna Baldursdóttir, 17.3.2008 kl. 23:06]

Yndislegt að eiga svona kvöldstund með krökkunum sínum.

Sofðu rótt Ragga mín

[Heiður Þórunn Sverrisdóttir, 17.3.2008 kl. 23:17]

Frábært hjá þér og ykkur ég er nú nokkuð viss um að Himmi hafi verið með  æðislegt með lykklakippuna hlakka bara til að fá að sjá hana....

kveðja og góða nótt Heiður...

Ps þetta eru líka svo flottar myndir af Himmanum. 

[Jóna Kolbrún Garðarsdóttir, 18.3.2008 kl. 00:36]

Maturinn á Ruby Tuesday er frábær, og þetta er flott gjöf þessi lyklakippa.

[Guðrún Emilía Guðnadóttir, 18.3.2008 kl. 08:36]

Yndislegt hjá ykkur Ragga mín og lyklakippan, frábært.
Mér finnst ég nú bara finna kærleikan alla leið norður sem með ykkur býr.                           

                Knús á ykkur öll Milla. 

[Birna Dis Vilbertsdóttir (IP-tala skráð) 18.3.2008 kl. 10:03]

[Tiger, 18.3.2008 kl. 17:07]

  Svona á að hafa það - dásamlegar samveru stundir með þeim sem maður elskar. Þú getur treyst á það Ragnheiður mín - að Hilmar er hjá ykkur á öllum ykkar gleðistundum, það er ekki spurning! Þegar þú gleðst þá er hann glaður! Knús í daginn þinn ljúfust.

[Helga Magnúsdóttir, 18.3.2008 kl. 19:17]

Yndislegt að heyra þetta. Ruby er einmitt uppáhaldsstaður sonar míns og vina hans og við förum þangað reglulega. Yndisleg afmælisgjöf og ég er viss um að Himmi hafi verið með ykkur, allavega í hjarta ykkar allra.