Draumalandið bíður

og meiri himnaríkispælingar bíða betri tíma, þakka ykkur ykkar innlegg og skoðanir á málinu.

Þessi er ráðinn í að passa mig í nótt eins og allar aðrar nætur. Langsætastur og hlýjan skín úr fallegu augunum hans.

Athugasemdir

[Katrín Ósk Adamsdóttir, 10.2.2008 kl. 23:27]

Hann passar mömmu sína

[Ásdís Sigurðardóttir, 11.2.2008 kl. 00:07]

Sæl elsku Ragga. Ég var að lesa færsluna á undan og kommentin.  Margt gott. Ég skil þig svo vel t.d. með þetta þeir sem guðirnir e......, þá pælir maður, hvað með gamla fólkið og allt það? Ég bjó mér til mitt eigið himnaríki þegar ég var barn og þar eru allir sem ég þekki og ætla að hitta þegar minn tími kemur.  Ég veit að Himmi þinn vakir yfir þér, það er ekki spurning.

[Kristín Katla Árnadóttir, 11.2.2008 kl. 10:43]

Já ég sendi þér líka kærleikskveðjur Ragnheiður mín.

[Guðrún Emilía Guðnadóttir, 11.2.2008 kl. 16:48]

Hann er fallegur og  hlýr hann Hilmar þinn og hann vakir yfir þér.
                           Ljós og orkukveðjur.
                                   Milla.

[Sigrún ókunnug (IP-tala skráð) 11.2.2008 kl. 17:28]

Það er engu logið um hlýjuna úr augum drengsins þíns. Miðað við skrif þín sem ég hef fylgst með um langa hríð, þá finnst mér liggja í augum uppi hvaðan hann hefur þá hlýju, beint úr móðurlegg (án þess þó ég vilji gera lítið úr föður hans).

Ég les blogg þitt reglulega og man að einhverju sinni spurðir þú hvort þú hefðir með skrifum þínum opnað augu lesenda eða öllu heldur breytt sýn okkar á föngum. Það hefur þú sannarlega gert hvað mig varðar og þá aðallega þannig að ég fór að hugsa um fanga að einhverri alvöru. Ég leiddi sjaldan hugann að þeim sem sviptir hafa verið frelsi fyrir einhverjar sakir, einhvern veginn fylgdist það að, frelsissvipting og um leið burt úr huga almennings sem ekki þekkja til þeirra. Sem er sorglegt. Auðvitað eigum við öll að láta okkur málefni þeirra varða, og það er ég viss um að þú hefur opnað augu margra annarra en mín. Takk fyrir það.

[Ragnheiður , 11.2.2008 kl. 18:43]

Bestu þakkir elskurnar. Hlýjan hans er svo áberandi þarna.

[Guðríður Hrefna Haraldsdóttir, 15.2.2008 kl. 20:23]

Ég fékk nú bara tár í augun að horfa á þessa fallegu mynd þótt ég hafi séð hana áður. Hann er svo blíðlegur og sætur, elsku snúllinn.