Jæja

mér hefndist fyrir u-beygjuna í morgun. Ég fór aftur upp í í morgun þegar ég var búin að lesa helstu fréttir. Þetta var í fyrsta sinn síðan ég missti Himma sem ég náði að sofna aftur. Það hefur truflað mig undanfarið að morguninn sem presturinn kom þá hafði ég einmitt skriðið upp í aftur og var nýkomin fram þegar hann kom, á náttfötunum og allt. Ætlaði meira að segja ómögulega að nenna til dyra að gá hver væri að banka á sunnudagsmorgni, já eða hádegi var það. Síðan hef ég ekki þorað að fara inn aftur af ótta við að slæmir hlutir gerist. Það er alveg sama hversu seint ég hef sofnað, á fætur hef ég þvælst við fyrsta rumsk. Ég hef oft sagt að ég sé með kind í framættinni, nú er ég farin að hallast að því að þar sé líka þvottabjörn. Ég er orðið svipuð svoleiðis í framan, með bauga niður á kinnar. Ég skrepp í Íslendingabók....ég á nú til dæmis eftir að skoða hvort þið bloggvinir eruð ættingjar eða úr svipuðum trjám. Það geri ég seinna.

Ég ætla að reyna að hitta Óla Lokbrá. Góða nótt og klús á liðið allt.

ES í sambandi við nauðgunarpælinguna þarna fyrir neðan. Ég er sammála því að nauðgun er skelfilegur glæpur og örugglega þungbær reynsla fyrir fórnarlambið. Það var ekki mín meining að gera á nokkurn hátt lítið úr því.

Munið Himmaljósin, Þuríðar og Gillíar ljósin....--------------------> linkar þarna

Athugasemdir

[Bjarndís Helena Mitchell, 4.10.2007 kl. 00:23]

Knús og góða nótt.

[Jenný Anna Baldursdóttir, 4.10.2007 kl. 00:31]

Góða nótt elsku Ragga.  Ekki datt mér í hug að ætla að þú hefðir ekki fullan skilning á glæpnum nauðgun.  Mér finnst eimitt gott að varpa fram svona spurningum til að fá umræðu í gang.

Knús og klemm.

[Katrín Ósk Adamsdóttir, 4.10.2007 kl. 01:12]

Góða nótt

[Merlin, 4.10.2007 kl. 10:23]

Vildi bara kvitta og kveikja á kerti