jæja

leitin að númerunum skilaði árangri. Það lá við að við Steinar værum orðin góðkunningjar lögreglunnar við þetta, fórum á 2 lögreglustöðvar.  Þær fundist fyrir rest og það varð einföld handvömm í kerfinu sem orsakaði það að þau skráðust ekki sem innlögð. Því hefur nú verið kippt í liðinn. Bíllinn er nokkuð heillegur að sjá. Það er að vísu búið að brjóta rúðu, filma í rúðunni hefur bjargað því að rúðan færi ekki í smáatriðum inn um allan bíl. Nóg er nú samt, græjurnar farnar og svo var hann með svona skjái í hauspúðunum og það er farið líka. En það verður að hafa það, bíllinn er hér. Það er nóg.

Ég er aðeins búin að blaða í Mannlíf, nennti nú ekki að lesa það  Kann hálfilla við mig í svona blaði. Ég veit hver verður ekki að horfa á Kompás þegar hann birtist  Þetta er heldur svo sem ekki gert fyrir mig, þetta er fyrir alla Himmana sem eru lokaðir inni og þurfa aðstoð til að verða nýtir þegnar þjóðfélagsins á ný. Við eigum þessa krakka og verðum að reyna að muna það hvert skref. Hverju einu sem verður bjargað..það er dýrmætt. Hvert þeirra er meira virði en þau telja sjálf en þau þurfa mismikla hjálp við að komast á fætur aftur. Sumum þeirra verður ekki bjargað en það er ekki okkar að velja það.

Ég hef verið að hugsa mikið um þetta undanfarið. Við erum með lágt hlutfall ungbarnadauða, sem betur fer.

 Hversu mörg erum við að missa á þessum aldri, aldrinum til 25 ára, í sjálfsvígum og við ofneyslu efna ? Hversu mörg ætli þau séu ?

Það er spurning..ég held að það sé hægt að finna einhverjar tölur um þetta á netinu...ég skrepp í það.

Himma og Þuríðar ljósin....linkur á bæði þarna uppi, með góðfúslegu leyfi Áslaugar móður Þuríðar.

Viðbót ; Mig langar að benda ykkur á að taka ykkur smátíma í að lesa fantagóðan pistil sem er á vef fanganna núna. Pistill er hérna . Þetta skrifar fangapresturinn, fáir þekkja málefni fanga eins vel og hann

Athugasemdir

[kidda, 27.9.2007 kl. 18:08]

Gott að heyra að vel gekk með númmerin, en ekki eins góðar fréttir með það sem búið er að taka úr bílnum.

Ætla að skjótast út í sjoppu á eftir. Ég veit hins vegar hver mun horfa á Kompás þegar ákveðinn þáttur verður sýndur

Fjöldinn af sjálfsvígum og ofneyslu, bæði viljandi og óviljandi er örugglega óhugnanlega há tala. Hef heyrt um allt of mörg tilfelli, bæði sem hafa heppnast og mislukkast. Sem betur fer hafa tilfellin þar sem ofneyslan mistókst verið fleiri en hin.  

Knús og klús inn í daginn

[Huld S. Ringsted, 27.9.2007 kl. 19:20]

Ég ætla að horfa á Kompás þegar hann kemur, mér finnst þú standa þig frábærlega í öllu þessu. Ég held að sjálfsvíg unga fólksins sé miklu meira heldur en við vitum um, sorglegt að missa unga fólkið á þennan hátt.

Ég er búin að kveikja á kerti fyrir Hilmar og Þuríði Örnu

Knús til þín Ragga mín

[Katrín Ósk Adamsdóttir, 27.9.2007 kl. 19:22]

Gott að þetta reddaðist með bílinn. Ég á  nú eftir að kaupa mér Mannlíf en ég fagna mjög allri umræðu um fanga og er alltaf að vonast til að sjá jákvæðar breytingar í þeirra þágu og óska mjög eftir að sjá afvötnunardeild í fangelsum landsins en málefni fanga hafa í mörg ár verið mér hugleikin.

[Jenný Anna Baldursdóttir, 27.9.2007 kl. 20:14]

Takk fyrir frábærar pistil.  Kveiki á kerti.

[Anna Einarsdóttir, 27.9.2007 kl. 20:23]

Ég veit hver verður að horfa á Kompás.    Nennirðu ekki að lesa Mannlíf ?  Á ég að lesa það fyrir þig ? 

Þú ert að gera góða hluti Ragnheiður. 

[Ragnheiður , 27.9.2007 kl. 20:29]

ok ok ok

búin að skoða það smá og lesa sumt...les bráðum meira ...*loforð*

[Hrönn Sigurðardóttir, 27.9.2007 kl. 20:44]

góð pæling hjá þér með ungbarnadauðan og ungmennadauðan!! Það væri gaman að vita hvert hlutfallið er. Auðvitað er gott að ungbarnadauði er lágur hér á landi en það væri líka gott ef stemmt væri stigu við fráfalli ungmenna!! Málið tekið alla leið og eins og þú segir svo réttilega: "Við eigum þessa krakka og verðum að reyna að muna það hvert skref. Hverju einu sem verður bjargað..það er dýrmætt. Hvert þeirra er meira virði en þau telja sjálf en þau þurfa mismikla hjálp við að komast á fætur aftur. Sumum þeirra verður ekki bjargað en það er ekki okkar að velja það."

Enn og aftur segi ég þér, góð pæling. Hafðu það gott í kvöld og nótt.

[Guðríður Hrefna Haraldsdóttir, 27.9.2007 kl. 20:53]

Kíktu á bls. 10 í Mannlífi ...

[Ragnheiður , 27.9.2007 kl. 20:55]

ég sá einmitt þessa sætu þarna á bls 10

[Benna, 27.9.2007 kl. 20:57]

Flott að þið fenguð númerin....flottar pælingar hjá þér með ungbarnadauðann og svo ungmennadauðann....
það er alltof lítið talað um þetta málefni það er þennan sjúkdóm alkóhólisma sem fellir svo marga alltof marga.

[Bergdís Rósantsdóttir, 27.9.2007 kl. 21:51]

Gott að þið fenguð númerin.  Þetta væri áhugavert að skoða með ungmennadauðann. 

Hugurinn er hjá ykkur öllum

knús og kram