Horfst í augu

heilan dag -svínvirkar.

Löbbuðum líka með Kelann..mættum heilli familíu sem tvístraðist. Við föttuðum auðvitað ekkert en þá var einn fjölskyldumeðlimurinn svona líka hræddur við hunda. Við vorum að glápa í hina áttina, á álftaparið sem synti um á Kasthúsatjörn með -að okkur sýndist- fimm unga. Hræddi fjölskyldumeðlimurinn jós skömmum yfir annað foreldrið með munnsöfnuði sem ég vissi ekki að börn ættu til.

Það er best að taka það fram að Kelmundur var í stuttum taumi og steinþagði allan tímann.

Við þessi ósköp ákváðum við að þramma heim.

Eyddum deginum í hvort annað, spjall og allskonar sambandsstyrkjandi hluti...og komumst að því að sambandið stendur enn, upp á heila tíu , segir húsbóndinn. Það er ágætt, eftir tíu ár...það er amk innan við mánuður þar til 10 árin renna upp.

Heilræði að lokum : ég mæli ekki með Álftanesi til útivistar fyrir fólk sem er bilað úr hundahræðslu. Hér eru gríðarlega margir hundar og líkurnar á að rekast EKKI á hund eru litlar.

Njótið sólarinnar

Athugasemdir

[Sigrún Jónsdóttir, 25.5.2009 kl. 14:33]

Til lukku með fyrsta áratuginn ykkar saman

[Jórunn Sigurbergsdóttir , 25.5.2009 kl. 14:46]

Til hamingju með að sambandið er upp á tíu. Það er víða sem það er ekki. Ég veit ekki hvað varð um tilfinningatánin mín. Ég get ekki sent svoleiðis né notað púkann í athugasemdunum mínum. vildi senda hjarta.

[Birna Dis Vilbertsdóttir (IP-tala skráð) 25.5.2009 kl. 15:50]

Til hamingju með tuginn og faðmaðu kelmund 

[Hrönn Sigurðardóttir, 25.5.2009 kl. 19:32]

Til hamingju með gott samband við húsbóndann. Þannig sambönd eru sko ekki sjálfgefin