30 nóvember 2002

Við erum stödd á líknardeildinni í Kópavogi. Ég man að ég er ferlega syfjuð, var á næturvakt. Ég sofna smástund í pabbabóli þarna og vakna við að pabbi breiðir ofan á mig peysuna sína. Hann vill ekki að mér verði kalt. Gréta frænka stendur við fótagaflinn á mömmu rúmi og er að rifja upp gamlar minningar síðan þær voru stelpur.

Við dáumst að minni hennar og hún segir líka svo skemmtilega frá. Mamma er hins vegar rænulaus, þannig hefur hún verið síðan eftir hádegi daginn áður. Þá kom Halli Pétur, fyrrum tengdasonur, hún brosti til hans, síðasta brosið, og svo sofnaði hún. Það er komið síðdegi, það er orðið dimmt úti og fallega díóðuljósið í runnanum utan við gluggann hennar mömmu er svo fallegt. Mamma hefur oft haft orð á því.

Sigga situr öðru megin við mömmu en pabbi hinu megin. Þau halda í hendurnar hennar. Án nokkurs fyrirvara þá fer hún, hún hættir einfaldlega að draga andann.

Móðir mín er látin.

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

Á eftir fer ég til Hauks frænda, hann ætlar að hitta sitt fólk núna, viku eftir afmælið hans.

Til að gleðja ykkur í upphafi aðventunnar þá ætla ég að birta mynd sem ég stal, án samviskubits, af henni dóttur minni. Myndefnið er Hilmar Reynir, alltaf flottastur alltaf sætastur.

Við Bjössi skellihlógum að myndinni áðan og hann minnir þarna óþyrmilega á prakkarann, pabba sinn.

Athugasemdir

[Ásdís Sigurðardóttir, 30.11.2008 kl. 14:22]

Sæl kæra vinkona. Ég er svipuðum sporum í dag, hjá mér er árið 2007. Við systur voru allar hjá mömmu og töluðum um gamla tíma, mamma er rænulaus en við höldum í hendur hennar og hlýjum henni eins og við getum.  Við fórum allar heim rétt fyrir miðnætti, stuttu seinna kvaddi hún og þá hélt ein hjúkrunarkona í hönd hennar, við höfum kannski haldið of fast. Morguninn eftir fór ég til hennar og fékk að sjá hana. Þetta er sárt en minningin yljar manni. Eigðu ljúfan dag elsku vinkona

[Sigrún Jónsdóttir, 30.11.2008 kl. 14:28]

[Ásdís Emilía Björgvinsdóttir (IP-tala skráð) 30.11.2008 kl. 16:15]

[Linda Linnet Hilmarsdóttir, 30.11.2008 kl. 16:37]

Knús hlýjar ljúfar kveðjur til þín elsku Vinkona mín

[Jórunn Sigurbergsdóttir , 30.11.2008 kl. 18:45]

Þetta er sár minning. Ég vona að aðventan verði þér góð.

[Einar Indriðason, 30.11.2008 kl. 19:50]

*knús*

[Huld S. Ringsted, 30.11.2008 kl. 20:14]

[Hugarfluga, 30.11.2008 kl. 20:27]

Ég fæ í hjartað. Sakna mömmu svo mikið. 

[Hrönn Sigurðardóttir, 30.11.2008 kl. 21:44]

Ofboðslega er þetta fallegt barn

[Helga Magnúsdóttir, 30.11.2008 kl. 22:19]

Óskaplega sakna ég hennar mömmu minnar þegar ég les þetta. Er samt fegin að það var hún sem fór en ekki eitthvað af okkur systkinunum. Það hefði hún aldrei afborið.

[Daggardropinn, 30.11.2008 kl. 23:54]

þetta eru erfiðar minningar, en dýrmætar.

[Jóna Kolbrún Garðarsdóttir, 1.12.2008 kl. 00:57]

[Guðrún Ágústa Einarsdóttir, 1.12.2008 kl. 01:22]

[Erna Friðriksdóttir, 1.12.2008 kl. 10:51]

Knús á þig vina og einnig á Ásdísi. 30 .nóvember er mér einnig kær en það var afmælisdagur pabba míns,  svo að við höfum líklega allar hugsað sitt í gær ............

[Birna Dis Vilbertsdóttir (IP-tala skráð) 1.12.2008 kl. 13:10]