Á morgun rennur hann upp

dagurinn sem hefur valdið vanlíðan lengi. Sumarið er ekki lengur minn tími. Sumarið er hjá mér tími söknuðar og sorgar. Það lagast kannski einhverntímann, ég skal ekki segja. Ég reyni að hafa sem minnstar væntingar, það er of sárt þegar væntingar manns rætast ekki.

Fyrir tæpum tveimur árum rann upp minn versti dagur, dagur sem engin móðir afber en lifir þó af. Dæmin sanna það. Það breytir engu þó að viðkomandi móðir hafi í raun aldrei valdið fyllilega verkefninu, höggið var gríðarþungt og sárt.

Í dag er ég komin óravegu frá þessum alverstu dögum.

Samt er ég ekki eins og áður. Gleðin er seinni á vettvang.

Í morgun stóð ég lengi við Himmaskáp, ég tala stundum við hann. Strákangann minn sem ekki réði við sínar aðstæður.

Ég býst við að hverfa af þessum bloggvettvangi fljótlega. Ég á aðra síðu sem ég mun þá nota komi andinn yfir mig skyndilega.

Kæru vinir, með ykkar aðstoð hef ég komist í gegnum mína myrkustu daga.  Þegar allt var bikað og hvergi týra þá kom agnarsmár geisli einhvers bloggvins og lýsti mér næsta skrefið.

Fyrir það verð ég ævinlega þakklát.

Hér til hliðar eru linkar á bæði minningarsíðu um hann Himma minn og svo á kertasíðuna hans sem góðir vinir hafa endalaust hjálpað við að halda gangandi, ekki hefur móðirin verið svo dugleg við það !

 

Athugasemdir

[Hrönn Sigurðardóttir, 18.8.2009 kl. 18:54]

Erfiður tími hjá þér núna Ragga mín.

[Ásdís Sigurðardóttir, 18.8.2009 kl. 18:55]

Ó já, enn er kominn 19.ágúst, ótrúlegt hvað tíminn líður. Ég sendi hlýjar hugsarnir til ykkar beggja.  Guð blessi Himma þinn.

[Helga Magnúsdóttir, 18.8.2009 kl. 20:21]

[Erna, 18.8.2009 kl. 21:24]

 Sendi þér hlýjan hug.

[Sigrún Óskars, 18.8.2009 kl. 21:27]

hugsa til þín duglega kona  

[Anna Einarsdóttir, 18.8.2009 kl. 21:59]

Ég verð með þér og fjölskyldunni í huganum á morgun, ljúfust.

[Tiger, 18.8.2009 kl. 23:04]

 ~Knús og faðmlag~

Hugsa til þín/ykkar á hverjum degi Ragnheiður mín, það mun ég gera á morgun líka!

Kveðja.. Tiger.

[Jóna Kolbrún Garðarsdóttir, 18.8.2009 kl. 23:06]

[Sigrún Jónsdóttir, 19.8.2009 kl. 00:11]

Knús á ykkur kæra Ragga

[Jenný Anna Baldursdóttir, 19.8.2009 kl. 00:36]

[Gudrún Hauksdótttir, 19.8.2009 kl. 08:14]

Sendi tér mínar ljúfustu hugsanir og sterkustu strauma.Ég ætla líka ad kveikja á kerti fyrir tig elsku vina.

[Birna Dis Vilbertsdóttir (IP-tala skráð) 19.8.2009 kl. 09:42]

Æi já ég er búin að vera með hugann  hjá þér síðustu daga.Þetta eru svo þung spor að vera í.Maður verður aldrei samur.Allt er svo mikið breitt.Við hjónin vorum hjá okkar strák í gærkvöldi og komum við hjá þínum strák.Fínt ljósið hans,minn er líka komin með ljós enda farið að dimma.Ég er líka á síðustu metrunum á moggabloggi,nenni þessu ekki lengur.Faðma þig á morgun

[Ía Jóhannsdóttir, 19.8.2009 kl. 10:12]

Faðmlag til þín sterka kona

[Rut Rúnarsdóttir, 19.8.2009 kl. 10:13]

[Helga (IP-tala skráð) 19.8.2009 kl. 10:34]

Ragga mín mig langar að skrifa örfáar línur til þín á þessum degi er hugur minn alltaf hjá þér því þetta er líka dagur sem ég á.Sárin gróa aldrei en sviðinn minnkar.Guð gefi þér Ragga mín þann frið í sálina sem þú bætir líðan þína um ókomna tíð.Þið eigið alla mína samúð.Kær kveðja

[Kidda (IP-tala skráð) 19.8.2009 kl. 10:56]

Verð með þér í dag elsku vinkona.

Knús og klús

[Ásdís Sigurðardóttir, 19.8.2009 kl. 12:38]

Er hjá þér í huganum.

[Huld S. Ringsted, 19.8.2009 kl. 13:02]

[Margrét Birna Auðunsdóttir, 19.8.2009 kl. 16:03]

[Tiger, 19.8.2009 kl. 17:43]

Knús og faðmlag!

[Guðrún Emilía Guðnadóttir, 19.8.2009 kl. 19:29]

Stórt og hjartanlegt knús til þín Ragga mín, hann Tiger hefur sagt allt sem maður mundi vilja segja og það svo vel eins og hans er vani.
Tiger minn þú talar fyrir mig líka.
Ragga mín ég hugsa ætíð til þín og þinna

Milla

[Guðrún unnur þórsdóttir, 19.8.2009 kl. 22:12]

knús og faðmlag til þín elsku Ragga mín

[egvania (IP-tala skráð) 19.8.2009 kl. 22:42]

Elsku Ragga mig skortir orð það er svo erfitt að finna réttu orðin en þú veist að hugur minn er hjá þér og það mun ekki breytast.

[Einar Indriðason, 20.8.2009 kl. 08:54]

*LOPAPEYSUKNÚS* Ragga mín!

[Linda Linnet Hilmarsdóttir, 22.8.2009 kl. 12:22]

[Erna Friðriksdóttir, 22.8.2009 kl. 12:28]

Langt síðan ég hef kíkt hér inn vina. Enn Guð hvað ég skil þig.....en hvar verður þú með síðu ef þú hættir hér?? Knús á þig

[Ásthildur Cesil Þórðardóttir, 22.8.2009 kl. 22:02]

Elsku Ragga mín takk fyrir all það sem þú hefur gefið mér og svo mörgum öðrum.  Drengurinn þinn dó svo sannarlega ekki til einskis, því það sem þú hefur gert, hefur hjálpað mörgum, jafnvel þó þeir séu ekki í sömu sporum og þú, en deila samt óttanum og óvissunni með þér elskuleg mín.  Vonandi hverfur þú ekki alveg héðan. 

[Rósa Aðalsteinsdóttir, 25.8.2009 kl. 00:19]

Sæl Ragga mín

Við verðum aldrei eins á ný eftir að hafa misst ástvin en sviðinn minnkar eins og Helga skrifar hér ofar. Ég veit það af eigin reynslu.  Ég sakna mömmu minnar ennþá þó svo að það séu 41 ár síðan hún dó. Oft hugsa ég út í af hverju var mamma mín tekin frá mér þegar ég var á tíunda ári en ég fæ engin svör fyrr en ég kem sjálf fram fyrir hásæti Guðs almáttugs.

Megi almáttugur Guð gefa þér styrk, kraft og huggun.

Guð blessi þig og þína.

Kær kveðja/Rósa

[Lísa Björk Ingólfsdóttir, 29.8.2009 kl. 02:39]

[Jóhanna Magnúsar- og Völudóttir , 6.9.2009 kl. 09:18]

[Ásthildur Cesil Þórðardóttir, 14.9.2009 kl. 10:53]

Knús enn og aftur og takk fyrir mig.

[Inga María, 15.9.2009 kl. 21:31]

hringdu næst þegar átt þú  leið í garðinn.....bý þar við hliðina....

kv. Inga María

8984859

[Kristín Katla Árnadóttir, 19.9.2009 kl. 12:06]

[Ásdís Emilía Björgvinsdóttir (IP-tala skráð) 19.9.2009 kl. 19:44]