Fyrst að ég sit hvorteðer hér

og bíð eftir bilanagreiningu eðalvagnsins þá ákvað ég að pressa peysurnar og vestin sem biðu þess. Ekki veitir af, næsti skammtur á leiðinni og þar á meðal lopakjóll sem mér leist afar takmarkað á meðan hann var á prjónunum en þegar hann er sloppinn af þá varð hann þrælflottur, snilld í vetur í kuldanum. Næsti kjóll verður samt ermalaus og ögn léttari.

Pressaði síðu peysuna með spes ermununum og er búin að ákveða að eiga hana sjálf. Það er þessi sem Aníta tengdadóttir er að módelast í hér í albúminu. Þetta er eiginlega lopakápa frekar en peysa...

en jæja...

hérna koma myndirnar af þessum þremur vestum

Þetta er þunnt vesti, sítt (niður f rass) og með bæði röndum og mynstri með brugðnum lykkjum.

Þetta er lítið vesti, svart. Ég setti lopapeysumynstur á það í rauðu og hvítu.

Þetta vesti er mun stærra..líklega L eða XL.

Hérna sést mynstrið betur á síðasta vestinu.

°°°°°°°°°°°°°°°°°°°°°°°°°°°°

Húsbóndinn búinn að hringja, viðgerðarmaður finnur ekkert að bílnum mínum og ég trúi því bara vel. Þegar bílar þjást af hljóðum sem koma stundum og við mismunandi aðstæður þá er fjandanum verra að finna út úr þessu. Þá þarf maður í raun að bíða eftir að dæmið bili bara.

Með kveðju til ykkar í bili...

Athugasemdir

[Ásdís Sigurðardóttir, 29.5.2009 kl. 16:01]

Var einmitt að skoða mlyndirnar á facebook. Er alltaf á leiðinni til þín, það verður fljótlega, ertu ekki með sama símanúmer?? sendi mér númerið til öryggis í pósti svo ég geti hringt þegar ég verð á ferðinni [e-mail]

Eigðu ljúfa helgi elskan mín.

[Ragnheiður , 29.5.2009 kl. 16:03]

Ég hef haft sama númerið í áraraðir, í símaskránni og allt..heimasíminn er hinsvegar inn í skáp hehe

Knús á þig Ásdís mín

[Marta smarta, 29.5.2009 kl. 17:40]

Húrra, er hann tilbúinn...... hlakka svo til að sjá hann, heyrumst og knús knús.

[Guðrún unnur þórsdóttir, 29.5.2009 kl. 21:02]

Flottar myndirnar hjá þér knús og kram til þín Ragga mín

[Jórunn Sigurbergsdóttir , 29.5.2009 kl. 23:59]

Rosalega er þetta flott hjá þér.

[Jóna Kolbrún Garðarsdóttir, 30.5.2009 kl. 03:42]

Þú ert greinilega mjög flink prjónakona. 

[Kidda (IP-tala skráð) 30.5.2009 kl. 08:59]

Mér sýndist þetta svarta vera dökkblátt, einn daginn mun ég ganga í peysu sem þú hefur prjónað

Er Bonzó ekki bara að reyna að ræða málin við þig þegar þessi ljóð heyrast :D

Knús og klús

[Guðrún Emilía Guðnadóttir, 30.5.2009 kl. 09:52]

Flott hjá þér og mikið vildi ég að ég þyldi að ganga í ull.
Kærleik til þín
Milla

[Linda Linnet Hilmarsdóttir, 30.5.2009 kl. 23:25]

Já það vantar ekki myndarskapinn í þér frú Ragga mín...bara flottar peysurnar og flottir litir...ég kann ekki að prjóna en Mamma mín prjónaði endalaust fallegar peysur og eftir hennar dag þá tók litla ljúfa systir mín hún Perla Svandís við og prjónar hún þessar fallegu peysur....eins og þú.....:)

knús knús og stór faðmur af hlýju og kærleik til þín fagra kona....:)

[Ía Jóhannsdóttir, 31.5.2009 kl. 10:59]

Væri alveg til í svona vesti Ragga.  Hef e.t.v. samband við þig þegar ég kem heim næst.  Svo bara vildi ég senda þér hlýjar kveðjur héðan frá Störnusteini. 

[Ragnheiður , 31.5.2009 kl. 17:50]

Knús til baka Marta mín

Gunna mín kær kveðja

Takk Vallý, Jórunn og Jóna

Kidda það gæti verið hehe..en þetta fannst, þetta er fóðring og má bíða. Smurt í þetta og hann er mun skárri

Milla mín, það þola ekki allir..ég ætla að gera prufu úr ákveðinni tegund garns en gera alveg eins og lopapeysu samt

Endalaust knús til baka elsku Linda mín..

Ía mín endilega og hlý kveðja héðan úr Garðshorni til baka