Helmingi minna um að vera

eða þannig, næstu daga verð ég bara í einni vinnu en ekki tveimur. Það er ágætt vaktafrí þarna á milli. Annars hafði ég hugsað mér að skrifa aðeins um og kynna fyrir ykkur Ölduna mína.

Hún kemur úr stórum barnahópi, fjórða í röðinni af sex systkinum. Elstir voru tvíburar, annar þeirra lést sviplega fyrir nokkrum árum. Hann fór hress að heiman að kvöldi en kom aldrei heim aftur, hann drukknaði af slysförum og fyrir framan báðar systur sínar. Yngstu systkinin tvö eru þroskahömluð, annað þeirra er á sambýli en hitt getur spjarað sig með aðstoð. Fyrir fáum árum hneig faðir Öldu niður heima við eldhúsborðið, hann og konan hans voru heima. Hann hafði þá um nokkurt skeið gengið til lækna vegna hjartveiki. Þennan dag stöðvaðist hjarta hans.

Alda er jákvæðasta manneskjan sem ég þekki. Ég talaði við hana í dag og spurði hvernig hún væri ; ég er ágæt sagði hún bara.Alda hefur alltaf verið tágrönn en nú er hún orðin allt of grönn, eðlilega. Hún er mikið veik. Hún greindist rétt fyrir afmælið sitt í mai með krabbamein í þvagblöðru, við rannsókn fannst krabbi í þremur eitlum sem liggja við hrygginn og í einum í brjósholi. Lungun eru þó hrein. Næsta myndataka verður eftir c.a. 6 skipti í lyfjameðferð. Þá á að skoða og plana næstu árásaraðferðir gegn krabbanum. Við Alda erum eins og mæðgur, við erum bestu vinkonur. Ég man ekki þá tíð að ég þekkti ekki Öldu og hennar fólk.

Um leið og ég minni enn á verkefnið (hætti því í byrjun júlí) þá býð ég góða nótt. Það ætti að vera bannað að verða svona þreyttur en þetta lagast, ég hef nægan tíma til að hvíla mig í gröfinni...ja allaveganna ef systir tekur ekki upp á að grafa mig upp (sjá www.siggahilmars.blog.is)

Knús á línuna.

 

Athugasemdir

[Himmalingur, 26.6.2008 kl. 00:51]

Það mættu fleiri vera eins og þú. Heimurinn yrði betri staður að búa á!

[Hrafnhildur Ýr Vilbertsdóttir, 26.6.2008 kl. 01:06]

Tek undir orð Hilmars..

það eru svo sannarlega misþungar byrðarnar sem fólk þarf að bera

lagði inn á reikninginn sem þú gafst upp...

[Guðrún Ágústa Einarsdóttir, 26.6.2008 kl. 02:13]

Æji já þetta er hrikalegur sjúkdómur, þetta er mikið í minni ætt og sjálf er ég í áhættuhóp. Ég vona að lyfjameðferðin beri einhvern árangur hjá Öldu. Kv. Gunna.

[Hrönn Sigurðardóttir, 26.6.2008 kl. 06:48]

Vona að þú hafir náð hvíld í nótt Ragga mín

[Guðrún Emilía Guðnadóttir, 26.6.2008 kl. 07:37]

Elsku Ragga mín þú verður að hvílast, þú veist það.
Sendi þér ljós og orkukveðjur, þú ert yndisleg.
Milla.

[Helga Magnúsdóttir, 26.6.2008 kl. 11:16]

Það er ótrúlegt hvað lagt er á sumt fólk. Það var frábært hjá þér að starta þessari söfnun því það er nauðsynlegt að létta óþarfa fjárhagsáhyggjum af fólki sem stendur í svona baráttu. Knús á þig, þú ert flottust.

[Anna Einarsdóttir, 26.6.2008 kl. 11:35]

Takk fyrir að kynna okkur fyrir Öldu.  Hún er greinilega sterk og þroskuð persóna.  Það er fágætt að vera svo jákvæð eftir svo mikla erfiðleika.  Hún á aðdáun mína. 

[Heiður Þórunn Sverrisdóttir, 26.6.2008 kl. 13:53]

Bestu kveðjur til Öldur og hennar fólks þau er alltaf í huga mínum.

Kveðja til þín og þinna líka.

[lady, 26.6.2008 kl. 14:27]

þetta er átaklega saga sendi innilega kveðju til hennar og fjölsk  það er auðseð að þú ert vinur vina þinna,Ragnheiður mín,,óska ykkur svo innilega góða helgi

[Ásdís Sigurðardóttir, 26.6.2008 kl. 19:48]

Viltu minna á þetta með færslu um mánmót. þá ætla ég að leggja inn. Knús á þig darling, þú ert demantur sem glóir í mannheimum.

[Ragnheiður , 26.6.2008 kl. 19:57]

Takk fyrir þetta elskurnar, ég reyni að minna á þetta. Þið eruð best í heimi.

Nú þarf ég að hendast að vinna smá meira, leiter you guys !

[Hulla Dan, 26.6.2008 kl. 20:45]

Alda er ábyggilega yndisleg kona og þú ert dásamleg

[Jórunn Sigurbergsdóttir , 26.6.2008 kl. 22:14]

Knús á þig og Öldu.

[Brynja skordal, 26.6.2008 kl. 22:34]

Vildi bara kvitta fyrir mig mikið að skoða eftir langt frí hafðu ljúfa helgi Elskuleg knús á öldu ykkar

[Jóhanna Magnúsar- og Völudóttir , 26.6.2008 kl. 23:09]

[Guðrún B. (IP-tala skráð) 26.6.2008 kl. 23:19]

[Erna, 27.6.2008 kl. 01:16]

Þú ert yndisleg manneskja, ég hef oft farið inn á síðuna þína en ekki oft kommentað. Stundum kveikt ljós á kertasíðunni hans Himma. Ég lagði Öldu örlítið lið í bílakaupum og mun hugsa til hennar og kveikja á kertum og fyrir þig líka frábæra kona  Bestu kveðjur Erna.