Vöknuð

og er að hlusta á Jennýu mína. Það er sunnudagur og ég sit með tárin í augunum.

Jenný og Valdís eru að spila lög inn á milli og þær komu með lagið hans Einars Vilbergs ; I love you for a reason. Ekki veit ég hversu oft ég hlustaði á þetta lag eftir að ég missti Himma minn, þetta lag hitti heim í taugarnar á mér.

Einar Vilberg, takk fyrir þetta lag.

Í dag er slæmt veður en samt ekki þannig að ekki sé hægt að fara út, sem betur fer. Ég á eftir að skreppa af bæ í dag. Það er eins gott að verði ekki verra veður en þetta, ég er svo veðurhrædd.

Ég get ekki spáð í Spaugstofuna, sá ekki þáttinn.

En þessi færsla átti bara að vera til heiðurs Einari Vilberg. Ég er lánsöm kona og get svikalaust talið hann vin minn.

Athugasemdir

[Ásthildur Cesil Þórðardóttir, 27.1.2008 kl. 10:44]

Velkomin á fætur Ragnheiður mín. Þetta er mjög flott lag, og yndisleg manneskja hún Jenný.

[Maddý (IP-tala skráð) 27.1.2008 kl. 10:50]

Ég er líka vöknuð og sit hérna á náttfötunum og hlusta á Bylgjuna og drekk heitt kakó og raula með Einari Vilberg, voða eru svona sunnudagsmorgnar góðir.  Eigðu góðan dag Ragnheiður mín

[Björg K. Sigurðardóttir, 27.1.2008 kl. 11:02]

Æi gaman að þessu. Búin að stilla á Bylgjuna og ætla að hlusta á frú Jenný.

Takk fyrir að minnast á þetta annars hefði ég ekki vitað af þessu viðtali. Eigðu góðan dag Ragnheiður

[Guðrún Emilía Guðnadóttir, 27.1.2008 kl. 11:49]

Ég sit hér á kafi í tölvunni, engillinn var að koma inn til að spyrja hvað ég ætlaði að borða í hádeginu, ha hvað er komið hádegi? Vá hvað tíminn líður, en það er allt í lagi við eigum hann sjálf. En ég vissi ekki af
henni Jenný hjá Valdísi. Hef oft hlustað á. I love you for a reason
yndislega fallegt lag. Ragga mín horfði ekki heldur á spaugstofuna,
en heyrði engilinn aldrei hlæja, svo ekki hefur það verið beysið.
                              Knús á þig elskan

                                  Þín Milla.
 

[lady, 27.1.2008 kl. 12:12]

ég hlustaði líka á Valdísi og Jenný er sammála hvað lagið var fallegt,,finnst gaman að hlusta á þennan þátt,eigðu góðan dag í dag Ragnheiður mín kv Ólöf

[Jenný Anna Baldursdóttir, 27.1.2008 kl. 12:57]

Takk fyrir falleg orð Ragga mín, hann Einar lætur sig ekki muna um að skirfa fyrir þig disk með laginu mín kæra.  Set hann í málið á eftir.

[Guðrún Jóhannesdóttir, 27.1.2008 kl. 13:07]

knús inn í óveðursdag, ekki veitir af.

[Dísa Dóra, 27.1.2008 kl. 14:22]

já hér var líka hlustað á Jenný með bros á vör og meira að segja húsbandið hló sérstaklega þegar minnst var á að barnið hefði aðeins verið komið að kossunum og snertingum og að augnhárin voru máluð upp í heila

[Huld S. Ringsted, 27.1.2008 kl. 15:21]

Ég náði að hlusta á seinni helminginn af viðtalinu, skemmtilegt viðtal við flotta konu.