Ég er nokkuð viss

um að þetta er ekki það sem ég og fleiri aðstandendur fanga höfum haft í huga þegar við höfum fagnað því að þeim gefist tækifæri til að mennta sig.

Mín sýn á þessi mál var einföld og kannski barnaleg. Ég vildi að þessir menn kæmu betri út og yrðu það sem við hin köllum "nýtir" þjóðfélagsþegnar.

Ekki að þeir menntuðu sig á einhverjum þeim sviðum sem stórvirkar í málum sem þessum.

Ég er hnuggin yfir þessu, ég er alltaf svo hrædd um að svona kappar skemmi fyrir þeim sem er í raun hægt að endurhæfa.

Ég á hinsvegar afmæli á morgun og ég er alveg búin að finna hvað mig langar í í afmælisgjöf, mig langar í tandurhreint hús...hehe. Kostar ekkert og ekki mjög erfitt í framkvæmd, en kannski verð ég bara að gefa mér gjöfina sjálf þetta árið.

Höfuðpaurar á reynslulausn

Athugasemdir

[Sigrún Jónsdóttir, 16.10.2008 kl. 21:13]

Það eru alltaf "svartir sauðir" sem skemma fyrir heildinni.

Til hamingju með afmælið á morgun....knús og kveðjur

[Linda litla, 16.10.2008 kl. 21:21]

Mikið er ég sammála þér, ég vil líka hreint hús í jóla og afmælisgjöf.... sting upp á því við vini og ættingja þegar líður að jólum.

Hafðu það gott mín kæra og stórt knús á þig.

[Heiður Þórunn Sverrisdóttir, 16.10.2008 kl. 21:26]

Já mér var einmitt hugsað þetta þegar ég sá fréttina,það eru auðvita alltaf svartir sauðir sem eru í raun skemdavargar...

Knús til þín og atórt afmælis knús.

[Helga Magnúsdóttir, 16.10.2008 kl. 21:33]

Við verðum vitanlega að horfast í augu við það að sumum er hreinlega ekki viðbjargandi. Það á þó að leggja áherslu á mannbætandi meðferð því þeir eru eflaust fleiri sem hægt er að bjarga.

Til lukku með afmælið á morgun. Ég myndi gefa þér hreint hús í afmælisgjöf ef ég væri ekki þessi endemis klaufi í húsverkum.

[Steingrímur Helgason, 16.10.2008 kl. 22:05]

Ragga, þetta breytir öngvu um að endurhæfíngarúrræðin eigi að vera góð, þó að fréttamenn vilji framsetja hlutina svona.  Það þarf enda öngva 'efnaverkfræðíngzmenntun' til að framleiða ~ólöglegt~ lyfjadóp.  Bara aðgang að alneti & einfalda leztrarskilníngskunnáttu & þokkalegt verkvit.

Hryggur af svörtum sauð er enda alveg jafn góður & hvítum.

[Ragnheiður , 16.10.2008 kl. 22:24]

Já ok Steini minn, er þetta bara einfalt mál ? Ekki veit ég neitt um það sem betur fer enda bara góður borgari sem aldrei flækir sig í vitleysu, samt virðist mér hafa tekist að ná mér í milljarðaskuld án þess að fatta nokkuð hvernig ég fór að því að skuldsetja mig og mína afkomendur með þessum hætti en það er efni í annan pistil.

[Jenný Anna Baldursdóttir, 16.10.2008 kl. 23:42]

Ragga mín þú ert ekki bara stórskuldug kona, þú ert líka terroristi.

Knús inn í afmælisdaginn.

[Ragnheiður , 16.10.2008 kl. 23:47]

Ó shit...ég gleymdi því auðvitað...

rækallans..er það þá endaþarmsleit í öllum flugstöðvum heimsins ?

[Jenný Anna Baldursdóttir, 17.10.2008 kl. 08:13]

Jabb verður ekki undan garnarrannsókn komist.